Where Do Broken Hearts Go?

Where do broken hearts go?”– Isang tanong na sa totoo lang ay mahirap sagutin. Saan nga ba maaaring tumungo ang mga nabasag na puso? Saan nga ba? Meron bang lugar dito sa mundo na maaring magkanlong sa mga pusong bigo? Sa Baguio ba talaga? O sa Boracay? O sa Japan kaya?

Nasasaktan tayo sa napakaraming dahilan. Maaaring iniwan ka ng mahal mo, nag-away kayo ng bff o ng magulang mo, nawalan ka ng trabaho, o di kaya naman ay nawala na ng tuluyan ang tao o bagay na mahalaga sa iyo. Nasasaktan tayo dahil minsan pakiramdam natin ay wala na tayong kakampi sa buhay. Nasasaktan tayo dahil masakit talaga at wala ng ibang salita ang pwede pang magdescribe sa feeling na iyon. Nabasag ang puso dahil hindi nangyari ang inaasahan nating mangyari.

Mahirap masaktan. Mahirap magmove on. Mahirap magpatuloy lalo na kung ang puso ay sawi at tila ba wala ng maliwanag na bukas ang iyong tanging nakikita. Kaya naman sa gitna ng lahat ng pagkabigo, dadating ka talaga sa point ng buhay mo na gusto mo na lang takasan ang lahat. Tumakbo, lumipad at magpakalayo. Kung ako ang tatanungin ng “where do broken hearts go?”, isa lang ang isasagot ko, “saan ba sa tingin mo?”. Dahil ang totoo, wala namang ibang may alam kung saan ka dapat lumugar or magtungo kapag nasaktan ka, kundi ikaw lang. Ikaw lamang. Nasasaiyo naman ang desisyon kung saan mo gusto pumunta- sa lugar ng pagpapatawad, pagmomove on, paglimot, paghihinakit, o pagkamuhi. Hindi porket tinanong ka ng “where?” ay pupunta ka na sa lugar na ikaw lamang at kakalimutan ang lahat. Mahirap harapin ang mga bagay o taong nagdulot ng sakit at pighati. Subalit hindi ba dapat matuto tayo na harapin at solusyonan ang mga ito. Sabi nga ng iba, “it takes time”. Totoo naman. Proseso ang pagpapahilom sa isang pusong nasaktan. Pero hangga’t maari isipin mo na sa bawat sakit na nararamdaman mo, maaring hindi lang ikaw ang nasasaktan. Huwag mong hayaang ikaw ay maging epidemya. Harapin mo ng buong tapang ang sakit. Hindi sagot ang pagiging emo. Hindi pwedeng dahilan na nasaktan ka ng isang tao kaya hindi ka magpapatawad. Hindi pwedeng maging dahilan na naupos ka dahil sa isang pagkakamali para hindi magpatuloy ng buhay.

Kung lahat ay nakamove on na, sana ikaw din. So where do broken hearts go? Humarap ka sa salamin, ngayon na. Tingnan mo ang sarili mo, saan mo gustong dalahin ang buhay mo? Ano ang nakikita mo?

Advertisements

One thought on “Where Do Broken Hearts Go?

Leave a reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s