44 na Tagaligtas- The Fallen Heroes

10410562_10203660892102746_6571112737848339659_n

Para sa pamilya, kaibigan at nagmamalasakit sa mga TAGAPAGLIGTAS,

Maaring marami sa atin ang hindi sila kilala o ngayon lamang nalaman ang patungkol sa Special Action Force ng PNP. Ang ilan ay nakakakilala ng lubos sa kanila tulad ng pamilya at kaibigan. Marahil marami sa atin ang nagtatanong kung ano ba ang totoong nangyari? Bakit humantong sa trahedya at pagbubuwis ng buhay ang enkwentro sa Mindanao? Ano ang tunay na nangyari sa 44 na SAF officers? Hanggang sa kasalukuyan maraming tanong pa ang gumugulo sa ating lahat. Nariyan ang mga pagdududa at hinanakit sa kasalukuyang pamahalaan. Ang totoo, hindi ko na din mawari kung ano na ba talaga ang ipinaglalaban ng mga terorista? Bakit kailangang pumatay at magdulot ng kaguluhan para sa pansariling layunin? Ano ba talaga ang magiging balik nito sa kanila? Magulo. Oo. Naguguluhan na ako. Magulo dahil buhay na ang kapalit ng lahat.

Gayunpaman, sa gitna ng pagdadalamhati ng bansa sa nangyaring ito, ito ang panahon na mas kinakailangan nating maging isa, maging matatag at matapang sa lahat ng pinagdadaan ng bawat isa sa atin. Sa ganitong paraan hindi masasayang ang dugo at buhay na ibinuwis ng 44 na tagapagligtas. Aaminin ko wala akong kilala sa kanila. Pero ramdam ko ang hapdi. Sa ngayon, ang panalangin ko ay hustisya sa 44 na SAF officers.

Noon, may narinig akong tanong na sobrang tumatak sa isip ko. Sa panahon ngayon, ano ang maaring maitatak o maiwan ng bagong henerasyon sa ating bayan? Ano ang pwedeng gawin ng henerasyong ito na maaring maisama sa kasaysayan ng bansa o maisulat man lamang sa mga pampaaralang aklat. Napaisip ako. Ano nga ba? Nawalan ako ng maisagot ngayong tayo ay kuntento na sa ibinibigay sa atin ng syensya. Hanggang sa dumating ang isa sa pinakamadilim na araw sa ating bansa, Araw na nasaksihan ng henerasyon ngayon. Nakakalungkot na malaman ng sa murang edad ng mga nasawi, maraming pangarap din ang nailibing. Malungkot. Masakit. Ngunit sa kabila nito, nawa’y di natin makalimutan ang nagawa nila para sa bansa. Bilang kasama sa henerasyong ito, ako ay saludo sa kanilang katapangan at paninindigan para sa tungkulin. Hiling ko sa aking mga kahenerasyon na kumilos para sa bayan kahit sa simpleng paraan. Tama na ang selfie, DOTA, COC at kung anun ano pa. Kailangan nating kumilos para sa pangmatagalang pagkakaunawaan ng ating bansa. Maging simula tayo ng pagbabago para sa katahimikan at kaligtasan. Hindi man natin lahat magawa ang nagawa ng SAF para sa bayan, tandaan sana natin na marami tayong pwedeng magawa- isa na ang simpleng pag-alala sa kanila.

Paalam mga Dakilang Bayani! Walang katapusang pasasalamat at pagsaludo!

Advertisements

Leave a reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s