Bente Kwatro (Unang Bahagi)

24-Logo.svg

Dahil sa malapit na akong magbente kwatro at gusto ko lang na may gawing kakaiba, hayaan nyo akong ibahagi sa inyo ang bente kwatrong katotohanan tungkol sa akin. Mga bagay at katotohanan na tanging ako o iilang tao lamang ang may alam.

Uno. Hindi ako kumakain ng hard boiled egg mula pa noong aking kabataan. Ewan ko ba, kapag kumakain ako ng ganun parang may halimaw sa tyan ko na gustong gustong lumabas mula sa aking bibig. Alam mo na. Natuto lamang akong kumakain ng kwek kwek na nilunod muna sa suka noong nasa kolehiyo ako sa UPLB. Ayun, kumakain na ako ng hard boiled egg pero dapat may kasabay na ibang pampalasa. At tubig!

Dos. Lalaki ako noon. Haha! Di, joke lang. Babae po ako. Pero kung kaklase kita noong elementary at highschool alam mo ‘to. Madalas akong makipagaway sa lalaki. Madalas akong makipag-asaran, makipagsuntukan at makipagtadyakan. May isang beses pa nga na nanghabol at namalo ako ng walis tingting eh. Amazona ang peg. Pero kahit naman ganoon ako, suportado nila ako sa lahat. Kaya naman tropa talaga kami nung mga klasmeyt kong lalaki, lalo na sa highschool. Gustong gusto nila akong katabi. Mabait din naman kasi ako sa kanila kapag may pagsusulit.  Buti nalang nakilala ko si Lord. Praise God!

Tres. Pagkakatapos maligo, hindi ako agad nagsusuklay. At madalas, nakasabit ang suklay sa ulo ko. Wala lang, nandun lang. Style! Fashion!

Kwatro. Ako ay isang melancholic-phlegmatic. Yung emosyonal pero walang emosyon, yung approachable pero hindi nangaapproach, yung nagpapanic pero hindi taranta, yung may pakialam pero mukhang walang pakialam, yung mga ganun. Hindi naman ako baliw, wag kang judgmental ganun lang talaga. Paki google nalang ng 4 temperaments para mas maintindihan mo ang sinasabi ko.

Singko. Mahilig ako sa sweets except chocolates. Pero kumakain naman ako ng tsokoleyt. Mas prefer ko lang talaga ang donuts, ice cream (lalo pag ang DQ) at cheesecake (kahit anong flavor basta cheesecake).

Sais. Mahilig ako sa pandesal. Kahit breakfast, lunch at dinner ko yun, solve na ang tyan ko. Basta may cheese spread, peanut butter, hotdog, o pritong itlog at KAPE!

Syete. Kalbo ako noong sanggol ako. Sabi ng nanay ko medyo matagal bago ako nagkaroon ng buhok. Base sa mga litrato ko noon, kalbo nga ako. Pero ngayon, haba ng hair kahit di Rejoice ang gamit ko. Kung ano, di ko na sasabihin, wala namang talent fee.

Otso. Ang totoo kong pangalan ay Dianne Rose hindi yung pangalan ko ngayon. Si ateng midwife kasi mali yung pandinig, hayun mali ang nairehistro. Kaya noong nasa ikaunang baitang ako, yun palagi ang nilalagay ko sa aking papel. Marahil napansin yun ng guro ko kaya siguro kinausap nya ang nanay ko. Wala naman na kaming magawa, maproseso din ang magpalit ng pangalan kaya hinayaan na lang namin. Inaral ko na lang din. Sa ngayon, okay naman ako sa pangalan ko. Ang sikat nga eh!

Nuwebe. Ako ay isang movie buff pero hindi ako mahilig sa sine na may Part 1, 2, 3, 4….. Halimbawa na lang ang Harry Potter, Twilight at iba pa. Ayaw ko lang talaga ng pakiramdam ng nabibitin o hindi ko talaga feel ang mga ganoong sine. Nito na nga lang ako natutong panoorin ang Mockingjay, Lord of the Rings, at The Hobbit. Hayun, kinailangan kong imarathon yung mga naunang movies para maintindihan ko yung pinanood ko.

Dyes. Third year na ako nagkaroon ng cellphone. Tulad ng mga kahenerasyon ko, ayun text sa umaga hanggang gabi, sa mga kaklaseng kasama mo lang din naman maghapon,at sa mga hindi din naman kilala. Ang saya kaya! Pero pagdating ng college hanggang ngayon, ewan ko ba. Aaminin ko tamad akong magload, kuripot – OO. Tamad din akong magtext. Kaya kung di kita narereplyan, ipagpatawad mo. Ang galing mo tumayming eh. Pero nagrereply naman ako pag may load na, feel ko at alam ko na ang isasagot ko.

Advertisements

3 thoughts on “Bente Kwatro (Unang Bahagi)

  1. “Tres. Pagkakatapos maligo, hindi ako agad nagsusuklay. At madalas, nakasabit ang suklay sa ulo ko. Wala lang, nandun lang.” -> Madalas din nagdidisappear yung suklay na yon into an unknown world pero nahahanap din.

    “Otso. Ang totoo kong pangalan ay Dianne Rose hindi yung pangalan ko ngayon.” -> So kung Dianne ka parin ngayon, can we call you “Yane”? Hehehehe.

Leave a reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s